Video
Read full review
2017-06-16
71 views
可能因為係平曰同連續幾日天氣唔好，餐廳唔爆，坐得好舒服，又唔洗趕交檯。一早睇中想試佢個二人焗波士頓龍蝦餐，賣相好吸引，坐底唔洗諗就落單。餐跟是日餐湯及沙律，湯濃稠剛剛好，其實都製造到少少飽肚感。沙律都ok新鮮。之後個Hand made 8" pizza有驚喜，唔係厚批，都唔係脆如薯片嘅薄批，佢係介乎兩者之間，口感好好，上面嘅綠椒中和左芝士嘅膩，刺激味覺令人食完一件想再一件。主角龍蝦可配芝士或蒜蓉焗，我地揀左芝士，佢出場嗰下，我地已經好開心，龍蝦比想像中大隻，另外仲有大蝦、青口、蜆、粟米、薯仔，龍蝦同其他海鮮都好彈牙，特別係隻龍蝦，好厚肉同好多膏，個芝士味都好襯，芝士焗粟米同薯仔都無得輸，餐廳有提供拆蝦工具，濕紙巾、手襪等，食起上嚟都好乾淨同方便。最後仲有兩個泡芙做甜品，不過甜品就麻麻地。總括嚟講，二至三人食都好夠。員工態度都好好，反應快，介紹餐牌有問有答，大滿足嘅一晚！
一早睇中想試佢個二人焗波士頓龍蝦餐，賣相好吸引，坐底唔洗諗就落單。餐跟是日餐湯及沙律，湯濃稠剛剛好，其實都製造到少少飽肚感。沙律都ok新鮮。
之後個Hand made 8" pizza有驚喜，唔係厚批，都唔係脆如薯片嘅薄批，佢係介乎兩者之間，口感好好，上面嘅綠椒中和左芝士嘅膩，刺激味覺令人食完一件想再一件。
主角龍蝦可配芝士或蒜蓉焗，我地揀左芝士，佢出場嗰下，我地已經好開心，龍蝦比想像中大隻，另外仲有大蝦、青口、蜆、粟米、薯仔，龍蝦同其他海鮮都好彈牙，特別係隻龍蝦，好厚肉同好多膏，個芝士味都好襯，芝士焗粟米同薯仔都無得輸，餐廳有提供拆蝦工具，濕紙巾、手襪等，食起上嚟都好乾淨同方便。最後仲有兩個泡芙做甜品，不過甜品就麻麻地。總括嚟講，二至三人食都好夠。
員工態度都好好，反應快，介紹餐牌有問有答，大滿足嘅一晚！
Post
