忠記粥品 (Closed)

今日收工一個人去旺角睇醫生，睇完醫生之後都無咩胃口，見到有間粥店，咁就求其為飽肚啦，點知試完之後都有驚喜。坐低左之後點左個皮蛋艇仔粥再加多條油炸鬼，價錢都好街坊下，22蚊再加9蚊。咁油炸鬼就黎左先啦，應該都係一早炸定，不過餐廳就放左係個保温箱度，重暖重脆。好啦，到個粥啦，個碗都算大，而裡面就真係超級多料，你每食一啖都會有好多料，料有豬皮，魷魚，碎牛同皮蛋，而且個粥底都好綿，所以都好滿足，會再黎幫襯。