蜜瓜爺爺 (Closed)

聽說食完隔離店「潮州人」嘅指定動作，就係飲埋「蜜瓜爺爺」🤣店舖主打新鮮生果+牛奶/椰奶😍幾特別，唔駛成日都飲台式珍珠奶茶～當日我叫左"蜜瓜爺爺"即係用日本蜜瓜+椰汁+日本牛奶 呢三樣攪拌而成🥰 聽到都覺得吸引～"蜜瓜爺爺" 好清香，好濃蜜瓜味，但又唔會掩蓋椰香。用左日本奶真係特別滑溜，飲品入面有少少蜜瓜肉，增加口感。而且，入面有少少冰粒（真係唔會好多）～ 提升冰涼度😋 好消暑～蜜瓜+ 牛奶 +椰汁真係好夾，非常推薦比大家，我當佢係飯後甜品🥳其實，佢仲有其他配搭，芒果、牛油果同藍莓等配搭，款款都好吸引，下次再試💋小店值得大家黎支持，加油！💪🏻💕