醬家 (Closed)

捐完血梗係要搵D好野食!一早已經諗好要食拉麵!!呢間以蕃茄湯底出名,女朋友又好鍾意蕃茄湯底,諗都唔諗就梗呢間!門多有6-7人等位,等左15分鐘左右就到我地!室內並唔大,20個位左右,行都有D唔方便!比較窄,人與人之間距離好近!睇睇餐牌,有6個選擇,價錢同出名果D差唔多!最想食果個海鮮冇左,唯有食蝦啦!女朋友揀左雞扒,兩款都係推介!門口寫左要等半個鐘,估唔到真係要等半個鐘!好肚餓ge人唔建議黎@@終於等到上菜!真係好濃ge湯底,有D覺得勁過D蕃茄湯或羅宋湯!我果個上邊就有兩隻大蝦,望落幾吸引!食落D麵ge口感唔錯,麵底唔大,對於一個正常人黎講岩岩好!試過舊雞扒,有D'鞋',而舊蝦就好似仲有D雪味,係配菜方面比較失望!咁ge價錢唔應該係咁ge配料!@@如果你係蕃茄大愛者,必定要去試;如果只係鍾意食拉麵,咁如果你行過又有時間就不妨一試啦!