URBAN Cafe (兆萬中心)

Open Now

Now Closed

想去有貓貓的咖啡店，之前唔知邊間好，朋友介紹 Urban Cafe，真係好多好乖嘅貓貓，很熱鬧好好玩。入餐廳先要着鞋套，啱嘅，唔好帶啲細菌俾貓貓。一入到去已經見到好多人在餵貓，客人可以買貓糧，引啲貓過嚟影相，同佢玩。餐廳面積都唔細，有貓貓玩耍區，有很多品種嘅貓，黑、白、雜色、波絲貓，貓咪可以自由走動，上枱上椅都得。點餐用 QR code，午餐價錢實惠，由$48-$68，已包普通飲品，此外仲有特色飲品及甜品，食物水準都幾好，我哋兩個人點咗兩個午餐，優惠價追加小食。夏日菠蘿豬扒拌黑松露燒汁 $68香煎龍脷柳伴香草忌廉汁 $68黑松露燒汁與香草忌廉汁各有風味，同樣豐富好味，豬扒與龍脷柳都煎得好，意思粉幼細。加$18 日式章魚小丸子，好食，抵。得閒冇事坐多陣，多點兩杯飲品，草莓荔枝紅莓乾花茶 $68 又靚又好香；古早冬瓜茶 $38 甜甜地，似有紅棗香。