萬家燒餅皇 (Closed)

估唔到仲有依種鋪頭,真係好開心,仲要係依D旺區,當然一定要試下,首先就買左個胡椒餅,脹卜卜既胡椒餅算係好多個，薄薄地既酥皮估唔到咬落去又多汁都好好味，饀料就有洋葱、葱、韮黃、椰菜、豬肉碎個D野咁喇仲微辣既胡椒味道,唔錯唔錯, 之後就係一個牙擦蘇 牙擦蘇個樣真係好似D牙咁，原來係甜甜地嫁，不過都夠哂鬆化,之後就係一個武大郎,餅既名真係多,又幾正,依個武大郎燒餅好多豬肉饀加埋葱粒，好夾,味道唔錯，啖啖肉，有少少膩！最後就係一個蘿蔔燒米餅,裹面當然有蘿蔔絲、仲有豬肉碎、蝦米，再加埋餅上面既芝麻十分香口！仲有冬甩,面頭舖滿沙糖不過唔算太甜既冬甩，包身做得軟得黎帶少少香，係一個好成功既面包！!正!