荳子 (馬鞍山廣場) (Closed)

Beans係西式餐廳同甜品為主，店內坐位舒適同闊落，之前都幫襯過幾次，每次都想試北京燒鴨蒸包漢堡，但因為數量限定，次次都賣哂，今次終於俾我食到。北京燒鴨蒸包漢堡.薯條.新鮮沙律 $122燒鴨食落好腍而且有肉汁，好有鴨香，燒鴨皮都燒得好脆，亦都證明好新鮮，因為燒鴨皮放得落會變到腍啤啤，夾埋北京燒鴨專用嘅燒烤醬，好好食好野味。麵包用中式包點嘅麵包配搭燒鴨，麵包食落感覺同係酒樓食叉燒包個外層幾似，有麵粉香同甜甜地。薯條新鮮炸起，外脆內軟，炸得啱啱好。沙律就不過不失，始終唔係咁識欣賞沙津，食咗兩粒番茄仔都幾甜。呢個漢堡真係好特別，完全將平時食嘅燒鴨片肉再加燒肉醬連埋紅蘿蔔白蘿蔔絲夾係麵包裡面，但食落又真係幾夾。推介大家。