申子居酒屋

Open Now

Now Closed

📍申子居酒屋食過幾次都覺得好食！見到呢排啲餐牌都變咗，多咗唔少新菜式。新出有廣島蠔春卷($108)，入邊包住原隻廣島蠔再炸，入邊仲有紫蘇葉食落去中和咗嗰陣油味。餐廳自家製燒賣($68)望落去個樣幾特別係白雪雪，一咬落去個魚肉味都幾香濃，同埋口感都彈牙。和牛漢堡($78)比想像中結實，本身已經醃過就咁食都得，但餐廳仲會配埋鹽、檸檬汁同埋山葵。叫咗鮮魚兩食($368)，係分開天婦羅同埋刺身兩食，今日餐廳用咗池魚去整，刺身嘅口感幾結實同幾鮮味！天婦羅就用咗紫蘇葉包埋去炸，個底下仲會有炸埋嘅魚骨可以食埋，居酒屋嚟講好少有咁特別嘅菜式。