kikusan (Closed)

三個人食叫左個二人餐$368再加個雞飯同甜品，食完係超飽💡 黑松露野菌蒸雞飯 $108黑松露味好夠，唔係得個樣冇味果d,夾埋個雞飯食好好味！分量都恰到好處，唔會餸少多飯。💡 牛油果冷豆腐呢個係套餐入邊嘅小肴，應該係我地既小食意思，鐘意食牛油果既話你實好鐘意食呢味，豆腐又滑。💡西班牙極黑豚咕嚕肉 呢個名好特別嘅咕嚕肉，其實同普通嘅菠蘿咕嚕肉冇乜分別，不過都係好新鮮，熱辣辣拎出黎，一d 都唔hea,都係好食既。💡蒜蓉炒西蘭花見個名咁普通，但識落一啲都唔普通，首先個樣一啲都唔似乾爭爭嗰啲菜，食完一舊西蘭花又會夾第二舊食，食唔停，好香蒜味。💡豚肉小籠包（4件）小籠包最怕個皮好厚，呢籠小籠包皮唔厚，肉汁豐富，好掂👍🏻💡擔擔拉麵軟硬適中👌🏻💡綠茶紅豆驢打滾 $65聽聞食甜品有第二個胃食，食到最後好飽，都仲要食埋呢碟甜品，果然冇浪費到呢個quota😂個名咁特別，名不虛傳。最怕綠茶配紅豆係好甜，呢款甜品，唔會好甜。