音樂人家 (Closed)

朋友介紹話有間好特別的cafe，佢知道我喜歡的幽靜地方，最怕嘈吵。地點在山林道好方便，我地四個人踏入餐廳己經好鐘意，佈置好有田園feel，雖然都係木頭傢俬，都好舒服，我地點左一個咖喱雞，一個咖喱角，一個焗海鮮飯，一個焗吞拿魚意粉，的咖喱有的甜，唔係好辣，可能係適合香港人啦，味道都好香，幾好。意粉就嫌軟左的，硬番少少更好，個海鮮飯就好正，料都夠多。飲品方面都幾多選擇，除左咖啡奶茶外，佢地介紹個工藝茶好好玩，一個欖咁既野，熱水一沖就變左一盤花咁既茶，味道重好好飲。重有各種花茶選擇，好過飲咖啡咁普通。特飲有十種選擇，朋友叫杯shirley temple 都算幾好啦。原來每晚都有歌星唱歌，中英文歌都有唱，重可以點唱，如果你喜歡舊歌就一定鐘意，好經典的歌，新歌就無乜啦。都好，可以聽番的唔同時代既歌，都幾得意呀！個度無乜野玩，但係同朋友聚聚，傾下偈就真係岩晒，以後我會再去，重會帶埋我老媽子去坐下，佢實會鐘意架！個晚四個人埋單都係三百幾唔駛四百蚊，消費合理。