Video
Read full review
2024-08-10
1307 views
行開旺角諗住去整電話卡，行過見呢間店，之前未試過，就諗住熱熱地買住杯野飲排隊等都好，於是就入去買返杯。因為第一次去，所以揀左杯佢地既推薦黑鑽茶皇同埋港茶波波(兩杯都係少冰同30%微糖)價錢方面，比起其他店既珍殊奶茶算平啲啲啦，係依家都算少有咁既價，點餐都唔需要點樣排隊，等左5分鐘到就輪到我買，買完之後好快就叫單號。門市有位置可以比人坐低飲同埋打卡，不過就好多人飲完個杯就咁放係到，要等店員走出來收走啲垃圾，希望大家飲完打左卡都自己清潔返個環境就最好啦~~不過唔知係咪因為我買兩杯，佢地用膠袋裝住，我見其他人買一杯係有個紙手抽打卡係幾靚的(因為我用膠袋裝就無影到相T_T)大家可以參考下其他食評既相，真係幾靚的。去到大家關心既味道啦，個人就覺得佢地都足料既，珍珠啊仙草果啲佔差不多三分之一，茶底有港式茶餐廳既茶味，感覺有種港式珍珠奶茶既味，我個人覺得幾特別，因為始終飲過太多台式茶底。而佢地既微糖真係無糖咁上下，想有返啲甜味建議可以50%半糖，個味道係值得一試的，無諗過港式茶底都可以配落台式飲品入面。至於珍珠果啲就無咩特別都係果啲啦，細細粒幾好咬口，至特別都係茶底。(下次會想試下佢個30分鐘奶蓋無
價錢方面，比起其他店既珍殊奶茶算平啲啲啦，係依家都算少有咁既價，
點餐都唔需要點樣排隊，等左5分鐘到就輪到我買，買完之後好快就叫單號。
門市有位置可以比人坐低飲同埋打卡，不過就好多人飲完個杯就咁放係到，
要等店員走出來收走啲垃圾，希望大家飲完打左卡都自己清潔返個環境就最好啦~~
不過唔知係咪因為我買兩杯，佢地用膠袋裝住，
我見其他人買一杯係有個紙手抽打卡係幾靚的(因為我用膠袋裝就無影到相T_T)
大家可以參考下其他食評既相，真係幾靚的。
去到大家關心既味道啦，個人就覺得佢地都足料既，珍珠啊仙草果啲佔差不多三分之一，
茶底有港式茶餐廳既茶味，感覺有種港式珍珠奶茶既味，
我個人覺得幾特別，因為始終飲過太多台式茶底。
而佢地既微糖真係無糖咁上下，
想有返啲甜味建議可以50%半糖，
個味道係值得一試的，無諗過港式茶底都可以配落台式飲品入面。
至於珍珠果啲就無咩特別都係果啲啦，細細粒幾好咬口，至特別都係茶底。
(下次會想試下佢個30分鐘奶蓋無限任添)
店舖環境就整整齊齊，放左啲公仔同埋籃球，觀感都不錯的。
店員禮貌好好，落單去到拎到飲品全程我諗10分鐘內就完成。
經過旺角而又鍾意飲珍珠奶茶既你，可以試試呢間，
可能你會搵到新一間鍾意既珍珠奶茶店~~
(我之前好鍾意飲茶_會...點知佢有日就執左T_T)
總結:呢間店值得一試，價錢相對親民，
就算用外賣APP叫同係店到叫都一樣價錢
可以用APP叫定先再去門市拎，
咁樣會再慳多啲時間(我都係聽女朋友講的XD)
Other Info. :
呢邊都順便抱怨下，點解咁多手打檸檬茶架!!
我試過一次真係食評都唔想打
唔想幫佢地刷食評推佢地間店出來!!
(The above review is the personal opinion of a user which does not represent OpenRice's point of view.)
Post
