聚點坊點心專門店 (Moved) New Location

呢間聚點坊，喺上環呢頭都有十年八年，睇住佢由細舖搬大舖，最近再開多間店添，喺上環咁多茶樓嘅競爭底下，都可以做得咁好，真係好犀利！佢間中都會推出新產品，所以我都會keep住去幫襯！😪其實呢度服務真係麻麻，唔知係咪平時太忙或者係做得太耐，呢度嘅樓面講嘢真係好大聲，而且當我催食物嘅時候，佢哋淨係叫我等，睇到根本冇幫我跟進，最後到食晒啲嘢仲未嚟，就唯有取消😪🌟今日食咗🌟鮑汁鳳爪🌟豉椒排骨蒸陳村粉🌟鮑魚燒賣🌟招牌糯米雞水準依舊咁好味，新產品都冇得輸～特別值得一題，係個鮑魚燒賣，雖然粒鮑魚只有手指公大，但係燒賣絕對童叟無欺，蝦同豬肉嘅比例好平均，而且咬落去咇汁，值得一讚👍