Video
Read full review
2016-07-31
583 views
之前響隔離店食雪糕，經過呢間餐廳見到個個好似上堂咁，企響度到邊學邊食好似好得意，而且價錢又唔貴，仲要係份子料理，我就同朋友一行三人報名。報名時職員已經再三提醒千萬不可遲到，因為係一group人授課形式。店內無櫈，客人將手提袋掛響牆邊，企響度聽導師講解！價錢一d都唔貴，一個餐包左六道菜都只係$230！我見而家early bird仲有折扣，$170就攪掂，時間係6點開始，十分抵玩！哈密瓜分子晶球, 用咗好濃又甜嘅蜜瓜汁，然後一匙一匙加入去碗水度，佢外層自然形成一層薄膜，好似大粒版魚籽咁，入口就變一啖香甜嘅密瓜汁！配上一塊西班牙火腿好match! 食用膠袋孆花蝦肉雲呑真係冇諗過膠袋都可以食，入口唔使𡁻，好快佢就變咗一陣風得返膠袋入邊嘅餡。入面就係好香嘅蝦乾味。柚子醋粉沫配針魚刺身。平時點醋會增加魚嘅鮮味，今次以粉沫形態入口，味道比平時嘅醋重小小。龍蝦mousse 魚子醬椰菜花底椰菜花經過85度萬煮下，好淋身但菜味仍然鎖住。上面啫上龍蝦mousse，好滑，比想像中重同杰身，龍蝦味超濃但一d都無油膩感。慢煮三文魚配檸檬橄欖，慢煮咗嘅三文魚十分柔嫩，入口有少少溶響口嘅感覺，點上少少檸檬橄欖粉之後酸
店內無櫈，客人將手提袋掛響牆邊，企響度聽導師講解！
價錢一d都唔貴，一個餐包左六道菜都只係$230！我見而家early bird仲有折扣，$170就攪掂，時間係6點開始，十分抵玩！
哈密瓜分子晶球, 用咗好濃又甜嘅蜜瓜汁，然後一匙一匙加入去碗水度，佢外層自然形成一層薄膜，好似大粒版魚籽咁，入口就變一啖香甜嘅密瓜汁！配上一塊西班牙火腿好match!
食用膠袋孆花蝦肉雲呑真係冇諗過膠袋都可以食，入口唔使𡁻，好快佢就變咗一陣風得返膠袋入邊嘅餡。入面就係好香嘅蝦乾味。
柚子醋粉沫配針魚刺身。平時點醋會增加魚嘅鮮味，今次以粉沫形態入口，味道比平時嘅醋重小小。
龍蝦mousse 魚子醬椰菜花底椰菜花經過85度萬煮下，好淋身但菜味仍然鎖住。上面啫上龍蝦mousse，好滑，比想像中重同杰身，龍蝦味超濃但一d都無油膩感。
慢煮三文魚配檸檬橄欖，慢煮咗嘅三文魚十分柔嫩，入口有少少溶響口嘅感覺，點上少少檸檬橄欖粉之後酸酸地好開胃。
慢煮牛煲仔飯，呢個係今晚嘅主菜，廚師喺焗爐到一煲一煲熱辣辣咁拎出嚟，個飯一粒一粒，中間個心少少硬，撈埋少少鷹嘴豆令個飯更香，增加口感。慢煮牛肉亦都非常之軟淋，可以講話係冇牙都食到！另外配上蒜味十足嘅泡泡，味道就好似蒜蓉蒸蝦上邊嘅蒜蓉咁，勁香蒜味！
水玄子本身味道不大，小小煙韌好似大菜糕咁，點上旁邊嘅朱古力溝薄荷或者黃豆粉加黑糖，味道不會過甜，而且都好特別。
玫瑰梳打好香濃嘅玫瑰味，個底係用梳打水溝成，好啱夏天飲！
其實如果食完飯經過呢度，原來都有外賣，而且都只係幾十蚊！冇時間或者唔想企喺度兩個鐘食餐飯，都可以試吓！
呢一個係食落口會響鼻噴煙嘅甜品！我哋今次都試埋！整出嚟圓碌碌，好似蛋白脆餅咁嘅外型！好脆身，食入口，每咬一下都會有個鼻同口噴白煙！好過癮！
其實今餐晚餐真係好食得黎又好好玩！導師或廚師講過好多化學上嘅嘢，內容豐富！雖然我過咗幾星期已經唔記得。但都會記得今餐味道好好！有時間會帶其他朋友再黎試吓！因為廚師話每兩星期佢哋就唔會改餐單！
Post
