道頓堀御好燒專門店 (K11購物藝術館) (Closed)

門口經常排滿人，所以今次一早嚟到等。大約半個鍾後有位～第一次自己親自製作，既興奮又期待。每張枱都有鐵板爐、煎鏟同埋醬汁。製作好簡單，同埋會有員工教你點整，(再加上 上網睇埋教學，有哂準備！）首先將麵粉，蔬菜、肉類或海鮮配料均勻，之後倒落鐵板爐上面。再用煎鏟每隔5分鐘反一反，避免煎燶， 大約15分鐘後淋醬汁。最後，落埋海苔粉同鰹魚粉 就食得。口感外脆內軟，有好多材料，好豐富，大滿足！加上自己整會覺得特別好食！