Video
Read full review
2024-06-20
755 views
🦐3小時任食新鮮流水蝦+海鮮+串燒🍢成日聽朋友講，蝦蝦燒好好食！好正！好吸引！一直記住，有時間一定要去試下！今晚終於到我去食啦！超期待！🤩首先一坐低，職員送上肥美嘅白鱔串，一人一串，即刻放上爐上燒，燒到脆卜卜，咬落去啖啖肉，又無骨，啱晒食魚怕多骨嘅我，好正！每枱邊位都靠近長長嘅大水缸，入面放滿一隻隻游水生猛嘅大頭蝦，用夾夾起，然後即刻放入冰盤入面冰凍一陣再拎出嚟，放上爐上燒，隻隻都勁肥美多肉，又多蝦膏，仲有呀！每枱都有唔同種類嘅調味鹽（孜然粉，辣椒粉，椒鹽粉、粗鹽等等）揀啱一款啱你口味嘅，灑上蝦上，真係超惹味！👍👀再出去食物區度睇下有咩食先！👀海鮮類🦐🦑鮑魚、蝦、扇貝、帶子、魚、蜆、魷魚、黃花魚......最欣賞燒扇貝，係扇貝上面加粉絲加蒜蓉，燒到香噴噴，粉絲超入味，送酒真係一流！仲有燒魷魚，好軟淋，好好味！蔬菜類串燒🥒🌽🍠翠肉瓜、茄子、南瓜、香菇、菠蘿、豆卜、蕃薯仔、粟米、尖椒、蒜蓉包......最欣賞燒茄子，燒淋咗隻茄子上面再加蒜蓉豉油，再燒多陣，好味到不得了！肉類串燒🥩🍖雞翼、羊扒、排骨、台灣腸、牛仔骨、雞皮、雞軟骨、鴨胸、豬大腸、豬脾仔、金菇肥牛串......樣樣都咁好味！最欣
🦐3小時任食新鮮流水蝦+海鮮+串燒🍢
成日聽朋友講，蝦蝦燒好好食！好正！好吸引！一直記住，有時間一定要去試下！今晚終於到我去食啦！超期待！🤩
首先一坐低，職員送上肥美嘅白鱔串，一人一串，即刻放上爐上燒，燒到脆卜卜，咬落去啖啖肉，又無骨，啱晒食魚怕多骨嘅我，好正！
每枱邊位都靠近長長嘅大水缸，入面放滿一隻隻游水生猛嘅大頭蝦，用夾夾起，然後即刻放入冰盤入面冰凍一陣再拎出嚟，放上爐上燒，
隻隻都勁肥美多肉，又多蝦膏，仲有呀！每枱都有唔同種類嘅調味鹽（孜然粉，辣椒粉，椒鹽粉、粗鹽等等）揀啱一款啱你口味嘅，灑上蝦上，真係超惹味！👍
👀再出去食物區度睇下有咩食先！👀
海鮮類🦐🦑
鮑魚、蝦、扇貝、帶子、魚、蜆、魷魚、黃花魚......
最欣賞燒扇貝，係扇貝上面加粉絲加蒜蓉，燒到香噴噴，粉絲超入味，送酒真係一流！仲有燒魷魚，好軟淋，好好味！
蔬菜類串燒🥒🌽🍠
翠肉瓜、茄子、南瓜、香菇、菠蘿、豆卜、蕃薯仔、粟米、尖椒、蒜蓉包......
最欣賞燒茄子，燒淋咗隻茄子上面再加蒜蓉豉油，再燒多陣，好味到不得了！
肉類串燒🥩🍖
雞翼、羊扒、排骨、台灣腸、牛仔骨、雞皮、雞軟骨、鴨胸、豬大腸、豬脾仔、金菇肥牛串......樣樣都咁好味！
最欣賞所有食物都喺放係個雪櫃入面雪住，唔怕壞，又唔會攤開晒，夠晒衛生，讚！
甜品🍨🧁🍧
食到尾聲，其實已經好飽，但係點都要食返個甜品，咁先完美
我揀咗食自製香蕉船夠特別！揀一款或兩款雪糕，加隻香蕉，再淋上朱古力醬，灑上彩色朱古力碎，見到都開心！（朱古力醬配香蕉係絕配，不得不試！）
。
還有熟食區
有醉蝦、椒鹽蝦、即烚蔬菜、魚蛋、炸云吞、涼拌魚皮、泰式鳳爪等等、都唔錯！
。
唯一係個爐細咗D,不過都好猛火力，食物都好快熟！
。
已經諗定下次要帶屋企人嚟再食過！😋😋
Post
