Give Me 5 (Closed)

今晚搵左間有一d唔平凡嘅dinner buffet食。呢間位於觀塘嘅give me 5，店內空間都幾大，座位舒適，仲有大玻璃望到外面風景，冇壓迫感坐得舒服。另外店內仲設有一個休閒區，有得玩飛鏢，桌球。唔岩玩仲可以夾下海鮮，雖然魚缸唔係話好大，但勝在即夾即整，好玩好食好新鮮。自助吧嘅食物有沙律吧、冷盤海鮮、餐湯麵包、刺身、燒物（有燒脆玉瓜、燒茄子、菇類、粟米、燒西班牙豬、燒雞翼等等）、甜品。除左呢d外，我覺得最正係可以任食main course，有脆炸紐西蘭龍脷魚、燒澳洲羊T骨、黑松露野菌意大利飯、德國鹹豬手伴酸椰菜、意大利卡邦尼意粉、牛油煎琵琶蝦鹹蛋黃忌廉意大利粉、千島蟹肉雙重芝士披薩、美國安格斯肉眼扒同美國西冷（呢2個要加錢）。每次點一樣，食完再order，原本我以為自己好強勁，要逐樣試晒，點知試3個都已經飽到唔得🤣試唔晒其他了脆炸紐西蘭龍脷魚，等左差唔多45分鐘，心中覺得火火嘅時候，上菜時終於明白點解咁耐。原以為係快餐店嘅炸魚柳呢個想法係錯晒，佢係一條完整嘅炸魚，外表炸到酥脆無比，連骨都可以食埋，而內裏係嫰滑嘅魚肉，味道剛好香酥鮮美，他他汁都可以唔洗要。食一條感覺已經大滿足，推薦。