道頓堀御好燒專門店 (荃灣廣場) (Closed)

之前起廣島同大阪分別食過道地嘅廣島燒同大阪燒，但就冇試過自己親手整嗰種文字燒，估唔到返香港有，特登同小朋友去試，小朋友好興奮，有得玩有得食，打卡一流，煮嘅過程大人同小朋友有傾有講幾開心。成品味道其實都估到，咪就係將粉漿同蛋同海鮮同肉同菜等等炒埋一齊嘅味，不過係體驗性高嘅，尤其如果一家大細嚟玩/食，真係值得到此一遊。唯獨係希望店家就室內溫度同通風方面再諗諗辦法，對住個鐵板真係好熱，同埋個抽風系統真係有待改善，一路食一路吸油煙都算，食完會成身油煙味真係唔係好方便行街。。。仲有就係請多幾個伙記，咁大間餐廳得2，3個人打理樓面真係唔係咁好，我見好多枱客人要舉好多次同好耐手至有人幫佢地，真係好影響進餐體驗。