弁当焼 (Closed)

今次我要介紹一個好特別嘅便當🍱呢一個便當又好玩、又好食！就係一款需要自己動手燒嘅炭火燒肉外賣便當🥩便當包括美國安格斯牛肉、珍珠米飯、炒雜菜、海帶豆腐湯、泡菜（或+$2換海苔沙拉玉子燒）。講明係自己燒，梗係要有燒烤用品啦！便當入邊有埋無煙炭、火柴、木夾、醬汁同一包淋熄炭火嘅清水。輕輕鬆鬆咁買一個便當返屋企，就可以享受燒肉嘅美味同樂趣。我買咗兩款唔同部位嘅牛肉嚟試，分別係：安格斯下肩胛翼板（$108）同埋安格斯牛小排（$138）兩款牛肉都好新鮮，肉味濃郁，無筋，出奇地比外面一些燒肉店更優勝，不過兩者之間，當然係安格斯牛小排肉質更加嫩滑。透爐程序非常之簡單，便當盒上面有詳細嘅說明。只需要用火柴點着無煙炭，將牛肉放上個網度就可以燒啦🥩 因為個網細細，每次只可以燒一片肉。不過都有好處，慢慢食，邊燒邊傾下計。小朋友覺得非常之新奇有趣，自己煮嘅就當然食得特別滋味😋 店舖話兩粒炭可以維持45至60分鐘，但係我覺得熱力只可以維持30分鐘左右。我哋食到最尾兩塊肉嘅時候，炭火已經唔夠熱，要入廚房自己煎熟理佢😂不過對成個體驗影響唔大。珍珠米飯嘅份量非常之足夠，我同屋企人都只係可以食到一半。燒完後，將預先提供嘅