大樹先生的家 (皇室堡)

Open Now

Now Closed

暑假又到啦！阿女第一日放暑假，當然要慶祝下，我帶咗佢去銅鑼灣嘅大樹先生食晏，順便佢可以玩返餐飽啦！未入到餐廳，隔住個玻璃已經喺度尖叫，好大個波波池啊！阿女好心急即刻衝左入去，Lunch時間可以由12點玩到3 點，真係有排玩！我同姐姐兩個一人叫咗一個set lunch，阿女就話要食個貓貓飯兒童餐，佢滿心期待話要食個貓貓飯。個兒童餐嚟到果然冇令佢失望，話咁快就食晒，仲有佢最鍾意嘅生果杯，入邊有佢最鍾意食嘅西瓜！呢度除咗有好大嘅地方可以比小朋友玩之外，食物質素仲幾高！阿女嗱嗱聲食完，就跳入去波波池大玩特玩，而阿媽梗係慢慢坐，靜靜地嘆番個lunch啦！食到咁上下，聽到有廣播話可以報手工藝活動，我就同亞女報咗名，估唔到呢度有得食有得玩仲有野學，而且呢度嘅姐姐都好有愛心，有耐性校每一位小朋友做手工！開心嘅時間過得特別快，又係時候講拜拜，今次都未走，又話下次要嚟過！