Catio (Closed)

朋友約我嚟呢間Cafe，佢話好好玩，我心諗一間普通Cafe😆會有幾好玩，佢介紹嘅我當然會去啦，去到要着鞋套先入到去，原來Cafe入面有貓貓😍本身我對食物冇咩期望諗住去玩，可能係呢個心態一試個意粉，竟然有驚喜，冬陰功味道出，辣辣地，亦有香茅味，仲有薯仔蘿蔔做配料，只係意粉偏腍，如果彈牙有咬口會更加完美炸魚薯條～炸魚粉醬薄，雖然唔係厚身，但都有兩大塊，香脆可口，點酸甜醬食好惹味。好少食咁細條嘅薯條🍟好似食極都唔夠喉，要擺多幾條入口😂都幾得意佢哋係一間有牌照嘅Cafe，啲貓貓好得意，隻隻貓塊面都圓轆轆，跳嚟跳去😊又鍾意同啲小朋友跑黎跑去，今日玩得好開心🥳