Ocio (Closed)

今日黎左依到,對於鍾意食窩夫既我當然要黎下依到，環境都非常咁唔錯,米白色既牆仲有好多歐洲街頭風景既相掛係到，環境非常好,食西餐或者飯後甜品真係非常之舒服。睇下餐牌，甜品都有非常之既選擇，當然都係以窩夫為主。今次就叫左依原味窩夫同埋一個玉桂香蕉班戟：原味窩夫係Plain Waffle加埋Movenpick既雲呢拿雪糕，仲有依個楓樹糖漿非常好！暖暖地窩夫食落有好強既蛋香味道，食落有軟軟既質感，加埋雲呢拿雪糕，仲有杏仁碎，食落多重口感,真係食唔停口之後食個玉桂香蕉班戟,有個薄薄既班戟,包住暖暖地既香蕉塊，無用到忌廉但有少少雪糕，然後再加埋玉桂粉，食落十分香口,好味道！香蕉班戟卷份量很大,成條香蕉放係你面前,可惜既就係一切開了香蕉同皮即刻分開左