易食 (Closed)

又去接老公收工，順便喺佢公司附近撐檯腳，睇openrice見到呢間新開嘅餐廳啲食物賣相幾吸引，就一於試吓～餐湯——黑松露野菌忌廉湯、紅菜頭蘋果湯黑松露野菌忌廉湯非常足料，入口啖啖菇菌蓉，香味濃郁；紅菜頭蘋果湯好有驚喜，平時冇咩機會飲到，紅菜頭味道清甜，蘋果蓉令個湯多咗份口感，成個配搭清新又美味。水牛城雞翼（6隻）水牛城雞翼味道酸酸辣辣，再點埋個鹹香濃稠嘅藍芝士醬，好夾好惹味香煎盲曹魚柳配薯蓉盲曹魚柳煎得啱啱好，肉質結實嫩滑，外皮香脆；伴碟嘅炒雜菜同薯蓉都有誠意，魚柳下面紫色嗰啲就係紫薯蓉，好滑好有紫薯味，正到我哋想再添西班牙豬鞍扒豬鞍扒又係煎得好好，肉質鬆軟有彈性，仲留有肉汁，好腍好juicy！個扒本身煎得夠靚，配啲簡簡單單嘅調味已經好好食。意大利香滑檸檬雪糕強烈建議大家再飽都要留肚食甜品，呢個雪糕軟綿奶滑，酸酸甜甜非常清爽，為呢餐出色嘅西餐畫上圓滿嘅句號最後想讚吓呢間餐廳每道菜都好夠熱，所謂見微知著，餐廳重視食物嘅溫度，都係對食物、食客嘅一種用心同誠意。餐廳嘅門面裝修比較平實，但每道菜嘅擺盤都有巧思，每份出品都色香品俱全，絕對值得再嚟支持幫襯