Video
Read full review
2020-07-14
974 views
數日前放假打算到museum of art 逛逛聽聞過呢間韓國麵包店的大名， 加上上網發覺朝早十點K11 musea 開咗舖的餐廳唔多，於是揀咗呢間舖食個早餐位置有點難找，原來要喺B2 food court 對出再行少少路一入去就有位好有禮貌嘅韓國女職員，用英文同我打招呼呢間舖最出名的係佢嘅豐富餡料， 材料配搭亦好新鮮，而且成份organic在陳列櫃每款包上面都有照片，show 俾大家睇裏面嘅餡料係點樣嘅，十分到位我揀咗佢地招牌艾草年糕方包如果堂食的話，佢會幫你叮熱，記得襯熱食呀！年糕叮完拉絲嘅狀態真係好好食。 麪包軟綿綿，再配上紅豆/ 紅莓/ 粟子， 酸酸甜甜， 又有多層口感，值得推介麵包好食之餘，最窩心係職員的服務唔知係咪見我得一個人，而且麪包加上年糕食落其實好飽肚，女職員幫我切開麵包後，將半個麵包幫我叮熱俾我堂食，另一半幫我放入膠袋紮好，等我可以帶返屋企食同家人分享而且有見疫情緣故， 堂食連埋即棄手套奉上，可見佢地細心程度落單時我問多咗句： do you have any coffee?女職員表示沒有，我沒有再多問怎料上麵包時，佢奉上了一小杯即沖咖啡‘ This is my ow
聽聞過呢間韓國麵包店的大名， 加上上網發覺朝早十點K11 musea 開咗舖的餐廳唔多，於是揀咗呢間舖食個早餐
位置有點難找，原來要喺B2 food court 對出再行少少路
一入去就有位好有禮貌嘅韓國女職員，用英文同我打招呼
呢間舖最出名的係佢嘅豐富餡料， 材料配搭亦好新鮮，而且成份organic
在陳列櫃每款包上面都有照片，show 俾大家睇裏面嘅餡料係點樣嘅，十分到位
我揀咗佢地招牌艾草年糕方包
如果堂食的話，佢會幫你叮熱，記得襯熱食呀！年糕叮完拉絲嘅狀態真係好好食。
麪包軟綿綿，再配上紅豆/ 紅莓/ 粟子， 酸酸甜甜， 又有多層口感，值得推介
麵包好食之餘，最窩心係職員的服務
唔知係咪見我得一個人，而且麪包加上年糕食落其實好飽肚，女職員幫我切開麵包後，將半個麵包幫我叮熱俾我堂食，另一半幫我放入膠袋紮好，等我可以帶返屋企食同家人分享
而且有見疫情緣故， 堂食連埋即棄手套奉上，可見佢地細心程度
落單時我問多咗句： do you have any coffee?
女職員表示沒有，我沒有再多問
怎料上麵包時，佢奉上了一小杯即沖咖啡
‘ This is my own coffee, I share with you’
聽完有d 唔好意思， 但真係暖上心頭
今次食到有人情味又有質素的有心麵包店
真係好值得推介，令我用咗咁多年openrice，第一次食評
最後希望大家唔好好似我咁盲中中問有冇coffee，等女職員可以好好享受佢杯咖啡
Post
