Video
Read full review
2022-09-04
1223 views
九龍香格里拉嘅afternoon tea一向都好出名，特別在好靚嘅座地鳥籠茶架七至八月嘅afternoon tea以芒果同朱古力做主題，鹹點甜點都以芒果同朱古力入饌，覺得好吸引所以即刻上網book位。座地鳥籠茶架放喺枱旁，以黃色鮮花裝飾，非常配合芒果主題除咗tea set一般有嘅scone、鹹點同甜點，仲有鮮果拼盤，擺盤靚而且水果夠新鮮scones以餐巾包住上枱，不過影咗一陣相先食，所以都已經唔暖。朱古力scone有好多朱古力粒好濃朱古力味，配埋士多啤梨果jam好夾芒果scone因為搽咗果jam食，所以芒果味唔突出。兩款scone都口感鬆化唔會太乾但稍嫌牛油味唔夠香。鹹點有四款: 大蝦他他芒果青檸三文治橙色麵包鬆軟唔會乾，夾住有少少芒果粒嘅大蝦他他，大蝦他他鮮味突出不過就食唔出有青檸味鮮帶子伴醃蘿蔔配朱古力清酒醬油半生熟帶子大大粒而且鮮甜，朱古力清酒醬油味道特別同帶子好夾意大利火腿、芒果、巴馬臣芝士及火箭菜意大利香草麵包鹹香意大利火腿加埋巴馬臣芝士感覺偏鹹，夾埋兩粒芒果都幾清新法國鴨肝凍多士伴朱古力鴨肝凍順滑濃郁，配搭朱古力醬平衝其濃郁，同時增加味道層次四款鹹點入面我最鍾意呢個！甜點同
七至八月嘅afternoon tea以芒果同朱古力做主題，鹹點甜點都以芒果同朱古力入饌，覺得好吸引所以即刻上網book位。
座地鳥籠茶架放喺枱旁，以黃色鮮花裝飾，非常配合芒果主題
除咗tea set一般有嘅scone、鹹點同甜點，仲有鮮果拼盤，擺盤靚而且水果夠新鮮
scones以餐巾包住上枱，不過影咗一陣相先食，所以都已經唔暖。朱古力scone有好多朱古力粒好濃朱古力味，配埋士多啤梨果jam好夾芒果scone因為搽咗果jam食，所以芒果味唔突出。兩款scone都口感鬆化唔會太乾但稍嫌牛油味唔夠香。
鹹點有四款: 大蝦他他芒果青檸三文治
橙色麵包鬆軟唔會乾，夾住有少少芒果粒嘅大蝦他他，大蝦他他鮮味突出不過就食唔出有青檸味
鮮帶子伴醃蘿蔔配朱古力清酒醬油
半生熟帶子大大粒而且鮮甜，朱古力清酒醬油味道特別同帶子好夾
意大利火腿、芒果、巴馬臣芝士及火箭菜意大利香草麵包
鹹香意大利火腿加埋巴馬臣芝士感覺偏鹹，夾埋兩粒芒果都幾清新
法國鴨肝凍多士伴朱古力
鴨肝凍順滑濃郁，配搭朱古力醬平衝其濃郁，同時增加味道層次四款鹹點入面我最鍾意呢個！
甜點同樣有四款:
芒果柚子吉士撻
芒果整成玫瑰花型賣相好靚，吉士醬香滑帶雲尼拿香味，撻皮牛油香味突出但稍嫌撻皮唔夠脆
芒味茉莉奶凍伴柑橘醬
香甜芒果配以微酸嘅柑橘醬配合茉莉奶凍好清新唔會覺得膩
芒果朱古力巴伐洛奶凍
芒果同朱古力味好平衝好夾而且口感香滑
70%黑朱古力配百利甜酒慕絲拱型蛋糕
四款當中呢件朱古力味最濃郁，帶微微百利甜酒香味
茶品方面選擇都幾多，signature blend都唔錯，但茶葉浸耐咗就有少少澀。
總括嚟講tea set食物質素高，環境幾好坐得舒服又睇到海景，服務亦好好，而且唔難book。下次見到吸引嘅主題一定會再嚟食！
Post
