娜多歐陸餐廳 (Closed)

假日午餐，需要輪籌，不過算快，唔駛10分鐘。焗豬扒飯+羅宋湯+熱奶茶，$6x 上菜速度慢，落單後等咗20分鐘先有得食。羅宋湯好稀好淡。焗飯嘅溫度嚟講，只係暖暖地，應該唔係即叫即焗。就咁睇落去，賣相還可以，醬汁夠多，又有芝士，有蕃茄喺面，仲有兩粒菠蘿點綴。菠蘿一咬落去，d糖水即時標出嚟，不過餐廳用罐頭菠蘿都係平常事。個蕃茄汁有d偏甜，有茄汁色但無茄汁味，一味得個甜。豬扒切件，鋪開，但實際好細塊。飯有炒底，至於分量，一個男人嚟講食唔飽。奶茶完全無茶味，亦都唔香唔滑。