夢見屋 (Closed)

由北角行至天后搵食，睇勻咁多間的 window，覺得最吸引嘅就係夢見屋！望入去見冇乜人，於是入去。當然，下午 5 點半又未到晚市梗係客人唔多啦 (基本上計埋我呢檯就只有一檯客)，見店面侍應有 3 個，就算 “人盯人” 都應該足以應付綽綽有餘吧……可是，我實在太天真了。那 3 位店員，佢地唔係打牙骹、打爛野、就係遊雲，唔太招呼更唔太留意店內客人需要……算吧！……我們點了青蘋果汁，清酒煮蜆，三文魚煎蛋 pizza，白玉抹茶芭菲，士多啤梨芭菲 share 食。個煮蜆先來，甩殼就預左，食落冇乜酒味，似白焯蜆……而且好多沙。至於個pizza，上檯時唔係好熱……佢個批底好硬、三文魚好鹹 + 少少腥、煎蛋全熟 (係熟過龍至岩)……係 D 芝士味叫做 “正常 D”……招待+食物都欠奉，唯有寄望甜品啦，材料現成的，應該唔會跌眼鏡呱……總括來說，只有 5 個字來形容，就係 “好睇唔好食”！成餐飯係得個甜品叫做比較OK 的，唔知其他分店係咪咁呢？！