香巴拉 (Closed)

素食餐廳一樣可以好有情調，我喺呢度都度過左一個美滿的晚上。各位都要留意返呢間唔係樣樣菜都可以走五辛，好似我以下介紹既莎莎。莎莎係絕佳的開胃小前菜，十分新鮮優質，沒有渣滓。和其他材料打碎融合成醬之後fresh得不得了，用伴碟的墨西哥脆片沾上番茄容、一脆一滑冇得彈。非常鐘意呢個雜莓沙律，睇得出選用的材料都好靚，尤其是啲莓子。特別鐘意藍莓同raspberry! Raspberry大大粒，顏色好鮮艷好好睇，味道充滿大自然氣息。水牛芝士番茄pizza熱辣辣、芝士拉出黎真係有成寸長！番茄醬的味道好清新，唔似係用左太多後天加工的精制的番茄醬，值得大大力加許。不過，最令我唔開心就係杯野飲。我見杯野飲叫「禪」，我好奇杯野有幾禪所以就叫左啦。不過我試唔出杯野飲有其他menu上列明的材料、只係飲得出好重的青瓜味=.=……啲味濃到似某品牌的青瓜沖涼液，的確唔太討好。我加左好多次水落杯野飲度都覺得好濃味，可能每個人既觀點角度唔同啦…