陪著你走甜品 (Closed)

行完維園年宵就想食吓甜品，同朋友吹吓水，知道天后呢邊都喺美食天堂，就過嚟睇下有咩甜品舖。因為當晚嗰嗰都行完年宵之後嚟搵糖水食，所以間間都好多人，所以都打算是旦搵一間，而咁啱見到呢間有芋圓食，所以就俾呢間舖頭吸引左過嚟。舖頭其實都幾多人等，不過好彩都只喺等左十五分鐘，都唔算太耐，不過可能太忙喇，入到去坐低左職員都無俾menu我地，要叫左幾次先拎到。見到舖頭牆身都貼左一啲雜誌同佢地做既訪問，而其中就有介紹佢地比較特別既一個「好立克/阿華田/oreo焦糖燉蛋」，所以我就叫左個好立克既嚟試下。因為焦糖燉蛋其實已經一早做好晒放左喺雪櫃，所以好快就有，不過前前後後職員都俾錯左兩次原味既俾我，第三次先拎到啱既。喺價錢方面，我覺得喺呢頭嚟講都唔算太貴，所有甜品都大約三十蚊或者咁上下。而食落去覺得都有好立克味道，但又唔算太濃烈，不過都幾得意既，如果喺好立克既fans都可以嚟一試。