大滿喜日本料理 (Closed)

今日家人生日，去旺角創興大滿喜食放題，入到裹面地方好大，大多數係卡位，坐得幾舒服，侍應有禮貌，收碟都勤快，食物落單都黎得快，冇乜漏單。坐底最快上枱食嘅緊係大大盆刺身，三文魚，吞拿魚，油甘魚，帶子，北寄貝，螺片，鮑片，甜虾，刺身都新鮮，最鐘意係帶子同螺片，吞拿魚刺身有根散開，吞拿魚壽司較好味，海膽手卷亦吾錯！每款壽司卷物都好多選擇！串燒雞軟骨好食，叫左十幾串！羊架，牛柳粒，芝麻雞亦，炸虾同蟹腳天婦羅都吾錯！特別d有花膠，細細隻炆得淋。日本番薯同牛油粟米都好味！甜品細細舊可以食多幾款，纽约芝士餅，綠茶慕士幾好！飲品，雪條好多選擇！早段時段價錢都好抵食！吾錯有下次！