貴緣小鍋米線 (崇潔街) (Closed)

貴緣小窩米線平時都成日食連竹鎖米線店， 今日經過紅磡去試下其它小店先。佢地都幾多配搭可以選擇， 有4 款湯底包括酸辣，麻辣，豬骨湯同埋鮮茄湯。 當中可以選擇唔同嘅辣度。餸都有幾十款可以選擇，而麵底仲可以要芽菜底同少米！ 我地叫左一碗酸辣一碗鮮茄湯底， 總共叫左7 個餸。 佢地都幾多餸可以選擇， 想健康dd 可以叫雞絲同蔬菜，想特別d 可以選擇螺旋藻，甜酸齋。另外，我地仲叫左兩款小食，包括麻辣豬肚絲同埋重慶口水雞翼。口水汁好夠香辣，而雞翼已經切開左一半好入味。 豬肚絲好大碟， 個汁夠哂麻辣，係一個令人食到好滿足嘅小食！飲品方面， 佢地有豆漿可以選擇， 不過因為已經食到好飽， 所以我地要左兩支茶。 下次再食可以試下豆漿！