扒王之王 (Closed)

標題呢句係同扒王之王講嘅。曾經經常幫襯扒王之王，後來價錢越來越貴但質素越來越差，咁就同佢分咗手。事實上，扒王之王分店數目都好似比全盛時期少咗。今日偶然路過銅鑼灣分店，見到set lunch 加埋一都唔駛五十，即管上去試吓！典型港式西餐格局，裝修普通但環境尚算乾淨。所謂穀飼牛扒食落同大家樂貨式分别不大，勝在有三塊，煎得唔燶，略帶肥油又有啲牛味。意粉唔太淋，紅湯正常茶餐廳貨色。五十蚊唔駛一個set lunch 喺銅鑼灣都算抵食，不過當年紅牌阿姑今日要同茶餐廳爭生意，真係有啲唏噓...