鼎皇臭臭鍋 (Closed)

上星期行過見到金馬倫道開左間臭臭鍋，咁岩今日又好想食打邊爐，所以一於就黎試下。呢間唔似其他臭臭鍋店，叫一個鍋會有埋飯俾你，要留意喲!兩個人一人叫左一鍋，臭臭鍋同麻油雞鍋!臭臭鍋一黎到就聞到果陣臭味!材料都足料呀，其實個人覺得可以唔駛再叫飯食都得，因為一個鍋已經好飽! 有好多津白係底，吸哂湯既味，我連平時唔食既米血糕，今次都有嘗試，唔錯!D豆腐真係臭豆腐黎架，想像一下係用冇炸過既豆腐黎整，食落感覺有D怪，但其實都好食既!不過佢個Menu上話佢呢個鍋有蕃茄，但個鍋黎到就冇啦!另外如果佢有得揀要辣就好啦!不過佢都會有麻辣醬放係枱面俾你調味!麻油雞鍋，好清好麻油!如果想食清清地可以食呢個!味道都唔錯既，D雞都幾好食!不過我忘記左影相呀...我地每人叫左兩個飯，一個係滷肉飯，一個係芝麻伴蔥咸魚醬飯。個滷肉飯味道都唔錯，D肉都多!芝麻伴蔥咸魚醬飯連唔中意食咸魚既人都中意食，我相信應該都唔錯既!我地仲叫左兩杯冬瓜茶，味道比較淡，但好大杯!可以再試!