Video
Read full review
2023-04-17
318 views
真係好耐冇食過泰國菜！估唔到係呢度搵到一間咁抵食又好食既泰國菜！二人餐$289有交易，一共可以揀3款菜式！首先我地揀左個咖喱軟殼蟹包，上枱時都好震撼 ，好巨型下！個咖喱醬好好味，個包係蒜蓉包黎，令整道菜味道更豐富！個麵包烘得恰到好處，外面少少菜，裏面好鬆軟跟住就係海南雞，有成半隻，份量都幾多！個雞肉好嫩好滑，而且仲要冇骨啖啖肉！然後就係明爐大蜆煲，個蜆全部大大隻，肉質飽滿，味道鮮甜，不得不提佢地個湯底都做得好好，味道酸酸甜甜，再加上蜆既鹹鮮味再加上不同香料、辣椒同肉碎，最後連個湯都飲埋食泰國野一定唔少得生蝦刺身，如果叫二人餐可以用優惠價$68換購半打，生蝦大大隻而且有2款唔同醬汁，我就比較鍾意淺綠色嗰隻，因為加咗青檸落去，令到味道更鮮！飲品，我哋就叫咗個火龍果沙冰同芒果沙冰，上面仲有芝士奶蓋，飲得出佢哋用嘅係鮮果，並唔係糖漿果種假水果味，飲落去唔會太甜，好香果味！最後我哋用$42再加購細份既甜品拼盤，分別有奶茶凍、千層糕同椰汁糕！個奶茶凍比較特別，用嘅係泰式奶茶，個茶味幾香！真心好耐冇食過咁好食嘅泰國菜
二人餐$289有交易，一共可以揀3款菜式！
首先我地揀左個咖喱軟殼蟹包，上枱時都好震撼 ，好巨型下！個咖喱醬好好味，個包係蒜蓉包黎，令整道菜味道更豐富！個麵包烘得恰到好處，外面少少菜，裏面好鬆軟
跟住就係海南雞，有成半隻，份量都幾多！個雞肉好嫩好滑，而且仲要冇骨啖啖肉！
然後就係明爐大蜆煲，個蜆全部大大隻，肉質飽滿，味道鮮甜，不得不提佢地個湯底都做得好好，味道酸酸甜甜，再加上蜆既鹹鮮味再加上不同香料、辣椒同肉碎，最後連個湯都飲埋
食泰國野一定唔少得生蝦刺身，如果叫二人餐可以用優惠價$68換購半打，生蝦大大隻而且有2款唔同醬汁，我就比較鍾意淺綠色嗰隻，因為加咗青檸落去，令到味道更鮮！
飲品，我哋就叫咗個火龍果沙冰同芒果沙冰，上面仲有芝士奶蓋，飲得出佢哋用嘅係鮮果，並唔係糖漿果種假水果味，飲落去唔會太甜，好香果味！
最後我哋用$42再加購細份既甜品拼盤，分別有奶茶凍、千層糕同椰汁糕！個奶茶凍比較特別，用嘅係泰式奶茶，個茶味幾香！真心好耐冇食過咁好食嘅泰國菜
Post
