牛扒先生 (新都會廣場) (Closed)

好耐存食過自助餐，夜晚過黎葵芳行街，經過mr steak 餐廳，餐廳地方大，座位都幾多，唔使點樣等位。餐廳有提供半自助晚餐或者晚餐，今次揀左半自助晚餐，半自助餐只是多了一些沙律，甜品，生果，唔算話太特別，晚餐嘅餐湯都係喺半自助吧度攞。火腿、沙律、前菜都正常，但款式種類唔係咁足夠。沙律冷盤都係嗰幾款，唔算太受歡迎。餐湯係南瓜湯，甜品最推薦去豆腐花同麵包布甸，唔會太甜，幾好食。主菜要咗豬肋骨同埋蕃茄雞配法包。豬肋骨整得幾出色，燒烤醬嘅味道幾入味，肉唔會太硬太乾身。但蕃茄雞就麻麻，食唔列蕃茄味，同個麵包唔太配合，寧願揀佢出邊甜品啲黑森林蛋糕食好過。整體味道唔算太出色但可以一試