十三少酸菜魚 (Closed)

十三少酸菜魚 $198酸菜魚好大份，雖然係兩人份但三人share都夠架，因為啱啱病好所以嗌咗唔辣，本來覺得好可惜食唔到辣，但原來唔辣幾好食～魚肉好滑呀，全部都去晒骨，而且清得好乾淨，湯裡面有大量香料同酸菜，仲有萵荀同菇，好多配菜，又令口感更佳。鮮魚湯浸翡翠苗 $48最鍾意食菜，見到有好少見嘅凈豆苗就嗌埋，上湯浸菜食落都好鮮甜，又有菇做配菜～紅糖糍粑 $38一份有好多條！而且擺盤同餐具都好靚，有啲小清新嘅感覺。沾滿黃豆粉再沾少少紅糖食，香甜又煙韌，好味！