太上漁村海鮮酒家

Open Now

Now Closed

朋友放假，我又咁啱要去附近既球場，咁就同佢黎呢度飲個茶。一入到去都以為要搭枱（因為我地得兩個人）點知佢即刻執左近門口既位俾我地。四人枱黎𠺢，所以會坐得舒服d 鳳爪大大隻，豆豉唔會過多，有小小辣而唔係太過辣，唔會硬身到好似沙薑咁，但又唔會一放入口就溶晒！煎腸粉一黎到就覺得佢地好用心咁煎佢既！每條腸粉兩邊都煎到脆晒，小小蝦米、蔥，配上甜醬麻醬真係一絕。叫左一隻乳鴿，唔算肥，但$38 一隻價錢適中。皮脆內嫩！肉唔算厚，但有肉汁鎖住響陣皮入面。仲有叉燒飯唔記得影相！叉燒同飯分開，唔會話叉燒無晒汁，而且都有好多片叉燒。蒸黃金糕！出面酒樓好小有機會食。我地食既時候已經凍左！之前佢地有煎黃金糕既，但依家已經無左！最鍾意既就係佢煙煙靱靱，仲要有椰香味！結果忍唔住再叫多個！但反而熱辣辣既佢就唔太食到椰香味。