Video
Read full review
2011-05-16
21 views
禮拜六果日行深水埗上到去牛車水果層，見到佢都幾多人食，就試下佢個下午茶。攞起餐牌，揀左一陣，就叫左個雞肶薯條。等左都成１５分鐘，終於等到個餐上枱。嘩～～乜野事？Ｄ份量少得可憐！雞肶細到得手掌咁大隻，可能細過隻雞全翼！都算...佢Ｄ薯條...少、乾、唔熱！味道點我都無理，但係份量就一定唔可能係咁細！唔通俾人偷食左？即場捉個侍仔Ａ問佢：呢碟野即係點？Ｄ薯條咁少？侍仔Ａ：係咁架喇...你可以問佢地啦（指住黑白色衫，應該係高級Ｄ嘅）。再捉個侍仔Ｂ問：我想問呢碟野...侍仔Ｂ：個份量？係咁架...有咩問題？有咩問題？你睇到咁都覺得無問題？＜不過我無咁講...最後噢住咀苦笑咁講無問題，不過當場已經ＢＡＤ ＬＩＳＴ左嘅間野！太過呃錢！味道一般，咁嘅價錢嘅價份量，我以為食到神級味道！埋單＄２３個餐+凍飲＄２，找晒Ｄ散銀俾我（都估到佢會咁找錢），博我俾貼士...我心諗，你仲好意思要我俾貼士？全數攞返晒！唔會再有下次！返到去問左唔少過１０個人，個個第一句都話：咁少嘅？梗係啦，擺明呃錢架！各位錢多嘅朋友，有錢都唔好浪費響呢Ｄ地方，好明顯，佢係呃緊錢，唔係做生意嘅！**除左鬼揞眼，我諗唔到有咩理由我果日走入去
禮拜六果日行深水埗上到去牛車水果層，見到佢都幾多人食，就試下佢個下午茶。攞起餐牌，揀左一陣，就叫左個雞肶薯條。
等左都成１５分鐘，終於等到個餐上枱。
嘩～～乜野事？Ｄ份量少得可憐！
雞肶細到得手掌咁大隻，可能細過隻雞全翼！
都算...
佢Ｄ薯條...少、乾、唔熱！
味道點我都無理，但係份量就一定唔可能係咁細！唔通俾人偷食左？
即場捉個侍仔Ａ問佢：呢碟野即係點？Ｄ薯條咁少？
侍仔Ａ：係咁架喇...你可以問佢地啦（指住黑白色衫，應該係高級Ｄ嘅）。
再捉個侍仔Ｂ問：我想問呢碟野...
侍仔Ｂ：個份量？係咁架...有咩問題？
有咩問題？你睇到咁都覺得無問題？＜不過我無咁講...
最後噢住咀苦笑咁講無問題，不過當場已經ＢＡＤ ＬＩＳＴ左嘅間野！太過呃錢！
味道一般，咁嘅價錢嘅價份量，我以為食到神級味道！
埋單＄２３個餐+凍飲＄２，找晒Ｄ散銀俾我（都估到佢會咁找錢），博我俾貼士...
我心諗，你仲好意思要我俾貼士？全數攞返晒！唔會再有下次！
返到去問左唔少過１０個人，個個第一句都話：咁少嘅？梗係啦，擺明呃錢架！
各位錢多嘅朋友，有錢都唔好浪費響呢Ｄ地方，好明顯，佢係呃緊錢，唔係做生意嘅！
**除左鬼揞眼，我諗唔到有咩理由我果日走入去呢間野而唔去吉野家或者樓上ＦＯＯＤ ＣＯＵＲＴ！
Post
