鮨政 (Closed)

第一次嚟到香港仔呢間鮨政，環境乾淨企理又舒適，食物質素同性價比都好好👏🏻首先，我想同你地介紹呢個吞拿魚黃瓜卷😍呢個吞拿魚黃瓜卷細細件，但吞拿魚加左黃瓜酸酸地都好好食。然後，就係介紹呢個八爪魚蕃茄沙律🥗前菜一流嘅選擇必定係呢個！八爪魚好彈牙好爽口，蕃茄酸酸甜甜勁新鮮。跟住，當然唔少得仲有鰻魚玉子燒🥰超級鐘意呢個！肥美嘅鰻魚加上滑嫩香甜嘅玉子蛋，正呀🥰🥰🥰最後，仲未夠食就叫多個銀鱈魚西京燒😘銀鱈魚西京燒燒完之後更加香，外皮有啲香脆，鱈魚肉質都好嫩，啖啖魚肉勁滿足。