真味鮮廚 (Closed)

之前黎食長腳蟹覺得唔錯，今次見到有任食任飲海鮮火鍋，即刻黎試吓，個餐真係超抵食，而且質素都幾高👍🏻每人包咗5️⃣款精選食材個套餐仲包埋指定啤酒飲品任飲➕茶芥及自座吧醬料頭盤係刺身拼盤，🈶鮑魚，三文魚，帶子，八爪魚，蝦同埋吞拿魚，樣樣都有返甘上下水準，鮮甜肥美跟著就係重慶雞鍋，好足料，真係一啲都唔hea，雞肉食落香辣又惹味然後就係揀湯底，今次揀咗胡椒蘿蔔排骨鍋，第一次試呢款湯底，個味道用黎打邊爐都唔錯，又唔會辣龍蝦海鮮盤有澳洲龍蝦，扇貝，聖子，青口，蝦，龍躉片同埋白鱔片我最鍾意個龍蝦🦞，咬落肉質鮮甜，蝦膏香滑，扇貝好大粒，食落唔會韌，鱔片口感爽脆仲有特級安格斯肥牛，真係唔錯，牛味香濃又嫩滑最後有巨型水餃王，好大粒又足料，咬落啖啖蝦肉其他任食配菜都唔錯，尤其係個炸魚皮，放落湯一陣就食得，香脆得黎又唔會腥魚蛋爽口彈牙，鮮蝦滑都好好味仲有我打邊爐必叫嘅台灣鴨血，冇腥味，好食呢度啲蔬菜插到好似盆栽甘靚，好新鮮嘅菠菜飲品除咗有一大榨竹蔗茅根之外，仲有不同款嘅汽水同啤酒，呢度仲有桃味嘅忌廉溝鮮奶😍