和花亭壽司 (Closed)

自從上一次同老公仔係沙田食完有今生無來世既H壽司 老公仔話想想食返d正常既壽司,o甘o岩今日可以準時收工又好似好耐無去過尖沙咀和花亭,所以就去左.可能時間都係7:30 同出面橫風橫雨去到,唔駛等位wor 老公仔次次一去到一定會叫左鹽燒三文頭先 因為要等20分鐘到, 今次整得無咁熟同濃 好似好食左好多wor 之後仲叫左三文魚(普通啦),山葵甜蝦(哩個唔得lor d山葵乜味都無既),鰻魚(ok 既, 老公仔最憎曼聯 所以佢要食晒d鰻魚)當然仲有老公仔既Tamago(佢話食左幾多間 最好食係佢)當然仲有我既至愛三文魚籽啦(咬落去會爆架) 到第2輪老公仔就叫炸蝦壽司(都仲係熱既),芝士甜蝦卷(一般) 同 燒汁象拔蚌 不過賣晒 所以佢改左赤貝 不過又賣晒 所以又改左海鰻(不過我對海鰻麻麻地 食左少少俾晒老公仔食 不過d汁ok 既)可能上一次食完好差既壽司,所以覺得今次特別好食