Video
Read full review
2012-08-12
22 views
因為通街都有得食酸辣粉，掛住試多啲其他，所以好耐都無專程黎食嘢啦。同友人去食，星期六晚竟然唔使等位，記得之前黎過幾次都要等下。因為友人唔係幾食得辣，所以要就住佢嘅程度，所叫嘅食物全部都只叫小辣。叫咗酸辣貢菜 $20，雖然唔知咩係貢菜，不過味道都ok喎，食落係脆食嘅，好似榨菜咁，個汁好適中好開胃，少少酸味，唔會過火，唔會好辣，微微有啲辣咁。麻辣肚絲餐（包酸辣粉） $42+ $3凍飲，肚絲有青瓜絲墊底，同有啲花生，可能因為小辣關係，食落唔覺有辣味，肚絲食落唔會過淋或過「un」，算ok。酸辣粉只屬正常貨色，無咩特別，唔算出色。重頭戲黎啦，我最愛菜式「辣子雞」 $88，略嫌貴咗少少，因為我將佢好好咁拆解過，佢一大碟有三分二係辣椒，雞只佔三分一，而雞嘅分量係一定無半隻雞的。以咁少嘅雞肉黎講，最多值 $60以下。不過味道真係唔錯，好香口，雖然同樣都係小辣，但係有麻嘅味道係裡面，所以食落都幾辣，雞肉好細粒，炸至乾身。叫咗碗白飯黎伴住食，可以中和麻辣感。見到有個好平嘅「雞湯蘿蔔豆卜 $10」，所以叫黎試下，估唔到一碗都俾好多舊蘿蔔同豆卜你，（比係平時係出面食酸辣米線每加一款餸 $5黎講，佢收你十蚊俾你
同友人去食，星期六晚竟然唔使等位，記得之前黎過幾次都要等下。因為友人唔係幾食得辣，所以要就住佢嘅程度，所叫嘅食物全部都只叫小辣。
叫咗酸辣貢菜 $20，雖然唔知咩係貢菜，不過味道都ok喎，食落係脆食嘅，好似榨菜咁，個汁好適中好開胃，少少酸味，唔會過火，唔會好辣，微微有啲辣咁。
麻辣肚絲餐（包酸辣粉） $42+ $3凍飲，肚絲有青瓜絲墊底，同有啲花生，可能因為小辣關係，食落唔覺有辣味，肚絲食落唔會過淋或過「un」，算ok。酸辣粉只屬正常貨色，無咩特別，唔算出色。
重頭戲黎啦，我最愛菜式「辣子雞」 $88，略嫌貴咗少少，因為我將佢好好咁拆解過，佢一大碟有三分二係辣椒，雞只佔三分一，而雞嘅分量係一定無半隻雞的。以咁少嘅雞肉黎講，最多值 $60以下。不過味道真係唔錯，好香口，雖然同樣都係小辣，但係有麻嘅味道係裡面，所以食落都幾辣，雞肉好細粒，炸至乾身。叫咗碗白飯黎伴住食，可以中和麻辣感。
見到有個好平嘅「雞湯蘿蔔豆卜 $10」，所以叫黎試下，估唔到一碗都俾好多舊蘿蔔同豆卜你，（比係平時係出面食酸辣米線每加一款餸 $5黎講，佢收你十蚊俾你嘅份量真係仲足啲）湯方面就食唔出係雞湯囉，好普通，味道好清咁囉，蘿蔔好淋清甜，無其他味道，純烚蘿蔔。豆卜仲有爽度，應該係你要嘅時候至烚下的，因為無咩吸到味，亦都唔會好似有啲鋪頭咁浸到軟晒索晒啲味。不過咁平，唔應該挑剔。
之前仲試過「口水雞（上例） $46」，肉質幾滑，味道適中，不過唔係我杯茶，因為我覺得太生，我一見到有紅色血就唔係太食的純個人問題。
試過「招牌腸頭」，佢只配孜然粉俾你蘸，我會鐘意食街邊炸大腸多啲囉，因為可以加甜醬同黃芥辣，食落無咁單調嘛。
仲有「涼伴海帶絲」，我成家都頂唔順陣味，又腥又臭咁，每人試咗啖,就放棄食佢啦
Post
