大滿喜日本料理 (Closed)

疫情底下喺觀塘搵嘢食，易既就係唔使等位，難既就係佢冇開門😅。都明嘅，喺疫情底下冇人想咁😞。既然諗唔到食咩，就去食放題啦🤣。果然去到真係唔駛等之餘仲要有位可以即刻入🤣，不過得兩個人就真係食得唔多。以前寫紙仔，依家變咗手機落單👍🏻，都幾方便嘅。先來個刺身拼盤☺️，刺身夠凍👍🏻，三文魚有魚味👍🏻(因為我之前食過係凍到冇味😰)，八爪魚剛剛好，唔會熟到咬唔開👍🏻，蝦刺身好鮮甜，真係好耐冇食過咁嘅質素嘅放題啦😍湯品，我推介👍🏻，因為我自己都飲咗兩碗😅，花膠蟲草煲雞，好足料，而且係個煲入邊真係見到有花膠架。一品料理，鰻魚真係好好食，一口一件，熱辣辣，燒到脆脆地，好香口，而且冇骨之餘又好入味👍🏻真係唔知疫情關係，定係真係進步咗，依餐食得真係好滿意。