Video
Read full review
2020-06-28
296 views
今日同男朋友喺旺角行街行到10點幾先肚餓，於是諗住去油麻地搵食，行過呢間私房菜，店員好殷勤話呢間舖頭係新開，10點之後宵夜時段仲有特價，見到都幾多人嗌小菜飲酒，於是試吓。呢張就係宵夜餐牌，同正價餐牌格格價，淨係豉椒炒蜆都平$20，確係抵食！而家新開張仲送小食，梗係要嗌支大藍妹啤啤佢！見到碟小食份量咁多已經有賺咗嘅感覺，涼菜有芫荽、蒜頭、辣椒調味，惹味到不得之好！一開始已經食唔停口。店員力推招牌菜冰鎮鮮果黑豚咕嚕肉，一上菜已經嘩一聲！啲乾冰煙真係謀殺菲林！食入口真係驚為天人，係我食過最好食嘅咕嚕肉！首先唔會好似一舊炸粉沾滿甜酸醬，立痴痴、硬骨骨，而係薄薄一層啱啱好，啱啱煮好嘅咕嚕肉用冰鎮着，糖漿即時冷卻，更加脆口。豬肉好嫩滑，同炸粉相連，一脆一嫩，送飯一流！值得一提嘅係連啲鮮果都好好食！種着好有心，出嚟問我哋覺得點，佢仲話佢哋唔係用一般炸粉，而係用米糠包住黑豚肉，同一般餐廳做法唔同，咁有心思，難怪咁好食！師傅話同一做法酒店要三百幾蚊，呢度只係$148！真心大推。呢個酥炸蠔餅，炸得勁靚，一睇就知好食，一樣係炸粉唔會過厚，亦都唔會過分油膩，真係好酥脆。好食過好多潮州老店。因為好鍾意食鹹蛋嘅關
呢張就係宵夜餐牌，同正價餐牌格格價，淨係豉椒炒蜆都平$20，確係抵食！而家新開張仲送小食，梗係要嗌支大藍妹啤啤佢！
見到碟小食份量咁多已經有賺咗嘅感覺，涼菜有芫荽、蒜頭、辣椒調味，惹味到不得之好！一開始已經食唔停口。
店員力推招牌菜冰鎮鮮果黑豚咕嚕肉，一上菜已經嘩一聲！啲乾冰煙真係謀殺菲林！食入口真係驚為天人，係我食過最好食嘅咕嚕肉！首先唔會好似一舊炸粉沾滿甜酸醬，立痴痴、硬骨骨，而係薄薄一層啱啱好，啱啱煮好嘅咕嚕肉用冰鎮着，糖漿即時冷卻，更加脆口。豬肉好嫩滑，同炸粉相連，一脆一嫩，送飯一流！值得一提嘅係連啲鮮果都好好食！種着好有心，出嚟問我哋覺得點，佢仲話佢哋唔係用一般炸粉，而係用米糠包住黑豚肉，同一般餐廳做法唔同，咁有心思，難怪咁好食！師傅話同一做法酒店要三百幾蚊，呢度只係$148！真心大推。
呢個酥炸蠔餅，炸得勁靚，一睇就知好食，一樣係炸粉唔會過厚，亦都唔會過分油膩，真係好酥脆。好食過好多潮州老店。
因為好鍾意食鹹蛋嘅關係，忍唔住又叫埋黃金蝦，炸到蛋漿包得啱啱好，唔會太濕太乾！最令我欣賞嘅係佢搣走晒蝦腳、觸鬚同眼，唔使你落手搣咁麻煩，可以成隻就咁夾嚟食！哈哈都算正常size，肉質好爽！
食咗咁多炸嘢，梗係要食返啲菜，叫咗個鹹魚蓉飛天通菜煲，鑊氣十足，啲菜煮得啱啱好，好嫩，唔會食到有渣，而且唔會成口油，煮得啱啱好。
總括而言，嗌左四味餸，四味都好好食，係我近年食過最好食嘅小菜，而且價錢一啲都唔貴，宵夜時段仲有特價，同三五知己嚟飲酒食小菜真係一種享受。
10日前先開張，種着同啲店員都好緊張食蟹嘅意見，好用心介紹啲菜式，比到我哋賓至如歸嘅感覺，而家好少食店咁用心，總廚仲帶我地上2樓睇睇宴會廳，仲同我地介紹有私房菜食，菜單好吸引最平只係三百幾蚊一位，有機會一定要來支持下！
Post
