肯德基家鄉雞 (KFC)

Open Now

Now Closed

好耐無寫食評，新春期間咁得閒又寫下啦，最近kfc畀老麥個麥炸雞㩒住嚟打，見佢咁慘咁我就幫襯下佢啦，其實kfc轉型後用年輕有型嘅上校做宣傳，又有上次勁搞笑嘅母親節廣告，已經贏返唔少客，但無奈作為一間快餐店佢又真係唔夠快，買野到出餐下下都等咁耐，耐得黎啲雞又炸定好耐，真係點解呢？叫左份上校盛盒，39蚊有三件雞同一杯汽水，價錢真係超平，人地老麥四十幾蚊先得兩件雞，不過有薯條咁囉，講返kfc啲雞，好好彩我呢份巴辣雞唔係太辣太鹹，仲新鮮炸起不久，個皮脆啲雞肉仲有汁，難得咁好食，不過呢，一個人食三件雞真係幾漏，下次都係食返兩件雞算喇。除左炸雞餐，桶飯餐都係常叫嘅，但佢最近無左蘑菇飯加雞粒果個餐，變左鴛鴦汁飯無左雞粒，黎kfc無食炸雞梗係差啲，咁就改叫蘑菇飯加炸雞扒，好似係33蚊？價錢黎講都係平嘅，但個桶細左，變相加價……塊炸雞扒乾左啲，今次預唔到佢新出爐，無計。唔要求高其實都幾好味吖，進步左可以唔要汽水改綠茶，冬天真係唔想飲汽水㗎嘛。