必勝客 (Closed)

星期日，１３／１１晚七點幾，我地去左買外賣番屋企食，因為自取有九折，等左十五分鐘ｊａ。我地叫左個＄１４９餐，加左十蚊要焗雞翼（原味）。九折左都成＄１４０蚊，唔平架。因為個ｐｉｚｚａ好細，得普通ｓｉｚｅ。我地要左至尊鬆厚批ｐｉｚｚａ、焗雞翼（原味）、兩客忌廉湯同埋葡汁焗雞皇意粉。份量唔多夠三個人，所以我覺得貴，我地後尾自己係屋企食沙律ja，唔係邊夠飽呢？兩個男仔加一個女仔食，仲要d男仔唔係好大食。同埋佢個餐咩都要加錢，芝心批又要加十蚊，要闊條麵又要加十蚊，所以我地都無加到。加哂個餐咪好貴，好唔抵囉。不過兩位姐姐好有禮貌，解釋得好清楚，因為佢有好多餐，唔知點叫好，寫得又唔夠清楚。不過咁耐無食，咪試下啦。因為想係屋企食。仲有呀，呢個餐仲要係自己拎先$140ja，如果送埋返屋企就有一百六十蚊架啦。因為有左fat angelo's，我地都好耐無食必勝客了，我覺得意粉屋仲好食過佢啦。