野玩海店 (Closed)

今日幾個人去旺角行街 去到始創中心度搵嘢食 朋友建議去食海鮮啦 咁我哋就一行人落咗去地庫嗰層去搵 見到呢間餐廳裝修幾有特色 而且啲嘢食賣相唔錯 所以就入去試下叫咗呢個龍蝦海鮮餐龍蝦用芝士去焗 蝦肉完全同埋芝士融為一體 本身嘅鮮味又唔會畀芝士蓋過 而且蝦頭入面有好多龍蝦膏 食落非常之滿足 好耐都冇食過咁好食嘅芝士焗龍蝦啦另外焗粟米焗薯亦都好有驚喜 因為粟米香甜得嚟 又有芝士汁既香味 焗薯爽脆可口 成個拼盤另一個好嘅地方就係個焗青口 因為青口本身味道比較淡 只有一點點嘅海水味 係呢度加埋其他配菜一齊去焗 青口鮮味十足之餘 層次亦都比較豐富總體嚟講 呢一餐令到我哋都十分之滿足大飽口福