The.Daldal (Closed)

好耐都未遇過服務咁差嘅餐廳，連我平時唔寫食評都要寫一次。入門口無打招呼不特只，度門爭D夾到小朋友，好彩我手快，落order叫又唔應，要行出去order，都有叫D貴嘢，例如西瓜盅雪糕等，先發覺每人有 minimum charge，我地小朋友多個大人，迫住多叫D唔係最想食嘅嘢…… 都算喇，見到條友自己係度食炸雞，問可唔可以order，當然佢又話果D係其他舖嘅產品，佢間鋪又少選擇，咁我就自己出去買，當然佢又話其他舖嘅產品唔可以帶入去，佢自己就得。可能已經無心情食，完全唔覺佢D嘢有乜特別，好普通嘢，收天價！你唔信就自己試吓，真係好耐都未遇過咁不知所謂嘅餐廳！