有運燒味飯店 (Closed)

今日下午我們去上環濟公廟拜神，但喺拜神前我們去咗咁多年一直去開喺廟附近嘅「有運燒味飯店」買隻白切鷄！喺拜完神之後我們攞返隻白切鷄去叫師傅幫我們斬開嚟食，鷄肉嘅肉質非常鬆軟嫩滑，而且相當肥美大隻！另外我們再叫咗燻蹄叉燒飯嚟食，燻蹄嘅質感好粉嫩爽口，外皮亦好爽脆彈牙，但就略嫌切得比較薄身，如果係厚切嘅話，口感會比較好，而叉燒嘅肉質就有啲乾身，但都算鬆化，蜜汁嘅味道亦好香甜！至於老火例湯就不過不失，唔算係好濃郁！