Video
Read full review
2023-08-22
68 views
天氣好，我地一家三口帶埋我家少爺仔Dudu the Duke去堅尼地城玩，玩完見餓就當然搵間Pets Friendly嘅餐廳坐低食野啦🍽️誤打誤撞之下，居然俾我地去咗”大叔的愛”取境嘅餐廳，開心死阿女囉🥰呢度除咗裝修環境一流，仲有好多驚喜添🤩好彩果日唔係好熱，我地就坐咗喺室外嘅位置，餐廳好貼心，喺bench嘅位置有扣可以俾我地扣住Dudu，等我地可以安心食飯🍴Menu入面好多野食都好似好好味，所以我地點咗一個自選套餐，可以揀三款唔同嘅主菜，我地就點咗青口配英式啤酒汁，蟹肉牛油果意大利飯同香煎美國封門柳，阿女就當然有佢Kids Menu入面嘅最愛Fish and Chips🍟，仲叫埋Marshmallow Milkshake🥤Side dish方面，我地點咗喺其他餐廳好少見嘅炸牛蒡。上菜喇！青口雖然唔算好大隻，個份量都唔少，每隻都好飽滿，已我呢就最滿意個蟹肉牛油果意大利飯，份量足之餘，味道又夠，牛油果同蟹肉嘅味好夾，再加上三文魚籽做點綴，啖啖鮮味🦀香煎美國封門柳🥩老公就最滿意，廚師將封門柳煎至4成熟，外面有少少焦香脆口，入面肉質軟腍🍴炸牛蒡係少見嘅side dish，我地都好鍾意食，炸過嘅
誤打誤撞之下，居然俾我地去咗”大叔的愛”取境嘅餐廳，開心死阿女囉🥰
呢度除咗裝修環境一流，仲有好多驚喜添🤩
好彩果日唔係好熱，我地就坐咗喺室外嘅位置，餐廳好貼心，喺bench嘅位置有扣可以俾我地扣住Dudu，等我地可以安心食飯🍴
Menu入面好多野食都好似好好味，所以我地點咗一個自選套餐，可以揀三款唔同嘅主菜，我地就點咗青口配英式啤酒汁，蟹肉牛油果意大利飯同香煎美國封門柳，阿女就當然有佢Kids Menu入面嘅最愛Fish and Chips🍟，仲叫埋Marshmallow Milkshake🥤
Side dish方面，我地點咗喺其他餐廳好少見嘅炸牛蒡。
上菜喇！青口雖然唔算好大隻，個份量都唔少，每隻都好飽滿，已我呢就最滿意個蟹肉牛油果意大利飯，份量足之餘，味道又夠，牛油果同蟹肉嘅味好夾，再加上三文魚籽做點綴，啖啖鮮味🦀
香煎美國封門柳🥩老公就最滿意，廚師將封門柳煎至4成熟，外面有少少焦香脆口，入面肉質軟腍🍴
炸牛蒡係少見嘅side dish，我地都好鍾意食，炸過嘅牛蒡又唔會好油，食到停唔到口
阿女嘅Fish and Chips份量足，多到阿女食唔晒😂
飲品方面，阿女好滿意個Marshmallow Milkshake，一放低就大大啖咁飲！
而我就點咗杯叫Chill and Grill Relexer，中文名叫輕鬆自在，呢杯有菠蘿汁，橙汁，紅莓汁，椰水，桃味汽水同Vodka，味道好清新又易入口，好refreshing🍹
頭先咪話好多驚喜嘅，餐廳會免費送雪糕俾每一位12歲以下嘅小朋友，只要你book 枱時講聲就得㗎喇，之外小朋友仲可以到Candy Bar點綴一下杯雪糕添🍨除此之外，仲有靚靚props俾你喺打卡位影相㗎⛱️
Post
