RISE Kitchen (Closed)

今日又去咗將軍澳海旁搵食，今次試咗Rise Kitchen ，餐廳係用落地大玻璃所以感覺好光猛，枱與枱之間都有距離好適合約朋友來傾偈，而且啲櫈都坐得好舒服，餐廳仲有麵包同埋蛋糕，選擇仲幾多添，今次我叫咗一個香草烤雞胸肉、北海道珍寶帶子配薯條$179，用優惠價錢$25加咗一杯價值$44嘅荔枝玫瑰拿鐵，佢呢杯嘅拿鐵係不含咖啡，雞胸肉好厚身而且仲好Juice添，薯條係粗薯條好香薯仔味，仲有兩粒珍寶帶子好鮮甜，旁邊嘅沙律菜用黑醋撈過好開胃，荔枝玫瑰拿鐵上面有玫瑰花，飲落去仲好香嘅荔枝味，呢個配搭真係唔錯，今日食咗一個好休閒嘅午餐